LEGAZPI CITY- Padagos an isinasagibong imbestigasyon kan mga otoridad sa nangyaring pambabadil sa Barangay Hall kan Barangay Sto. Niño, Virac, Catanduanes.
Segun kay PMAJ Emsol Icawat, hepe kan Virac Municipal Police Station sa intrevista kan Bombo Radyo Legazpi na naghahanap sinda nin mga ebedinsya na makakatabang sa pagkakabisto kan suspek.
Igwa man suboot kuta niin CCTV na nakainstall sa lugar alagad napag-araman na raot ini kan mangyari an insidente.
Saro sa mga pinag-aadalan na motibo kan mga otoridad an koneksyon suboot kan kapitan sa sarong STL sa probinsya.
Alagad pigasigurar kan opisyal na hihilingon ninda gabos na anggulo tanganing maaraman an tunay na rason asin kun siisay an nasa likod kan insidente.
Aminado man si Icawat, na magdadara ini nin chiling effect sa mga residente asin magin sa mga opsiyal kan barangay.
Pangapudan na sana kan mga otoridad sa publiko na makipagtabangan sa saindang ginigibong imbestigasyon.
Magigirumdam na kan nakalihis na Septyembre 1 kan paurananan nin bala an nasabing barangay hall sa kasag-sagan kan pag-uran huli ki Bagyong Enteng.
