Nahahadit an health authorities sa UK makalihis na maka eksperyensya nin kakulangan sa suplay nin dugo an nagkapirang mga darakulang ospital.
Ini makalihis na naapektaran an operasyon huli sa ransomware attack sa provider para sa testing services.
Marurumduman na kan nakalihis na semana, an nangyaring global IT outage an naka apektar sa appointment asin patient record system sa United Kingdom.
Huli digdi nakanselar an mga appointment para kuta sa mga magdo-donar nin dugo.
Kaibanan sa pigpapangapudan ngunyan kan mga otoridad an mga donors para sa universal type na O negative na pigagamit para sa mga emergency patients.
