LEGAZPI CITY- NAGSASAIRAROM liwat sa training an mga ahensya de gobyerno asin barangay na bagsak sa rating kan epektibong pagtatao nin sevicio publiko siring na sana kan pag-otob sa ‘No noonbreak policy’, bako marhay na tratamento kan mga empleyado sa naga-avail kan service siring man sa durasyon kan pagtatao kan pagkompleto kan mga pighahagad sa opisina.
Segun ki Civil Service Commission spokesperson Lyn Navio, kaibanan sa mga programa para sa mga nasambit na ahensya an values orientation program asin frontline service provider empowerment seminar siring man an pag-intindi sa Republic Act No. 9485 o Anti Red Tape Act of 2007 na obehtong i-address an problema.
Naglalaom man an CSC na magkakaigwa nin positibong resulta an ipigsasagibong lakdang urog na ta haloy na suboot na ipig-implementar an lay kaya dapat na aware na an mga ini.
Mientras tanto, para sa mga padagos na nakakaeksperyensya nin kadipisilan sa frontline service delivery, bukas man suboot an hotline kan komisyon na magresibe kan mga feedback kasabay kan pagtataong duon na dakulang porsyento kan improvement an nakabase sa feedback kan mga naga-avail sa serbisyo.
