LEGAZPI CITY—Nakisumaro an provincia kan Albay sa ginibong sabay-sabay na aktibidad na ‘Handog ng Pangulo: Serbisyong Sapat para sa Lahat,’ sa banwaan kan Camalig, Albay kan Lunes, Setyembre 14.
An nasabing aktibidad an kasabay man kan selebrasyon kan kumpleanyo ni Presidente Ferdinand Marcos Jr.
Segun ki Albay Provincial Agriculturist Daryl John Buenconsejo, sa intrevista kan Bombo Radyo Legazpi, inatendiran ini manlaen-laeng ahensya kan gobiero gikan sa nasyunal asin lokal kun sain pinangenotan ini kan Department of the Interior and Local Government (DILG).
Kabale sa mga serbisyong inihatod kan mga manlaen-laeng ahensya an libreng check up, dental and medical laboratory, pagdistribuir nin mga bulong, registration para sa PhilHealth YAKAP; payout Presidential Assistance for Farmers and Fisherfolk Program magin an Benteng Bigas Program.
Siring man an pagdistribuir nin fishing gears kan Bureau of Fisheries and Aquatic Resources, konsultasyon mapadapit sa land dispute hatod kan Department of Agrarian Reform, asin iba pang serbisyo kan manlaeng-laeng ahensya.
Afuera digdi nagtao man an gobierno provincial nin serbisyo sa paagi kan APAO siring kan pagkundusir nin ceremonial awarding sa mga local government units na tatawan nin fertilizers asisstance para sa mga paraooma.
Dugang kan opisyal nasa labi 3,500 na katawo an nag-atendir sa naunambitang aktibidad.
