Papanimbagon kan Philippine National Police an mga magurang kan mga menor de edad na pigtataram na biktima nin pang-aabuso ni Pastor Apollo Quiboloy huli sa pagtugot kan mga ini na magin subject an saindang aki sa nasabing mga krimen.
Segun ki PNP spokesperson Col. Jean Fajardo na an mga magurang kan mga inabusong joven an miyembro kan Kingdom of Jesus Christ asin nagluwas na aram na pigdadara an mga ini sa kwarto kan pastor.
Napag-araman na an iba sa mga biktima an nasa edad 12 -anyos asin 13-anyos pa sana.
Sinabi kan opisyal na kun enkasong mapapatunayan na inabusong sekswal an nasabing mga biktima, mahahampang sa paninimbagan an mga magurang kaini.
Marurumduman na enot ng sinabi ni PNP chief Gen. Rommel Marbil na an nagkapirang mga menor de edad an nagrani sainda durante kan paghalughog sa KOJC compound sa Davao city ngani na maghagad nin tabang.
Sa presente sinabi ni Col. Fajardo na pigpo proseso na an pagdokumento sa testimonya kan mga biktima.
