LEGAZPI CITY- High morale an mga tauhan kan Malilipot Municipal Police Station makalihis makuwa kan hepatura an rank 1 sa Unit Performance Evaluation Rating na ginibo kan Albay Police Provincial Office para sa bulan kan Agosto.
Segun ki Police Captain Alex Alcantara, Officer in Charge kan Malilipot Municipal Police Station sa intrevista kan Bombo Radyo Legazpi na pigigibo an nasabing ebalwasyon ngani na masukol an mga akomplishimento kan mga hepatura.
Dakulang factor suboot sa nasabing pagbisto an pagmantenir kan paz y orden asin zero crime rate sa banwaan.
Resulta ini kan anti-criminality campaign kan mga kapulisan sa nasabing hepatura.
Inomaw man ni Alcantara an mga personahe na nagpapahiling suboot nin higos asin dedikasyon sa pag-otob kan saindang mandato.
Napag-araman na ini an enot na bes na nakuwa kan banwaan an rank 1 sa Unit Performance Evaluation Rating.
