LEGAZPI CITY – Pig-asigurar kan manhamiento kan Legazpi City Police Station an nagpapadagos an saindang pagtugis sa mga indibidwal na nagtatago asin may paninimbagan sa ley sa ibong kan pagselebrar kan holiday season.
Ini an kasunod kan saindang naarestar na mga suspetsado sa bisperas asin mismong aldaw kan kapaskuhan.
Punto ni Legazpi City Police Station Chief of Police Police Lieutenant Colonel Domingo Tapel Jr., sa intrevista kan Bombo Radyo Legazpi na warang holiday an pagpapanimbag sa mga indibidwal na may mandamiento de aresto gikan sa korte.
Mawot man nindang matawan tulos nin aksyon an siisay man na biktima nin manlain-laing klase nin krimen na nagigin talamak tuyong holiday season arug na sana kan panghahabon.
Pagsyerto niya sa publiko na naka-alerto an mga kapulisan maski sabado man o domingo, aga o banggi, asin holiday nganing gampanan an saindang mandato kan pagmamantenir kan katuninongan asin kaligtasan kan namamanwaan.
Pagdoon pa ni Tapel na gigibuhon ninda an gabos nganing maserbisyuhan nin tapat asin matanos an saindang mga nasasakupan.
