Dai mapundo sa paghanap kan katotoohan an mga paryentes kan 45 katawo na nagadan sa train crash kan high-speed train sa Espanya kan Enero 18 , segun sa sarong emosyonal na pahayag sa sarong funeral service kan Enero 29.
Naghihingoa pa man giraray an Espanya na tanggapon an trahedya na nangyari harani sa Adamuz, na ilinadawan kan gobyerno bilang saro sa pinakahalangkaw na numero kan nagadan sa kasaysayan kan mga aksidente sa tren sa Europa.
Diskumpiyado man an Espanya kun supisyente an nagin pamumuhunan kaini sa maintenance kan saindang pamosong railway system, orog na makalihis kan ibang mga insidente kan nakaaging semana, kabali an pagkagadan kan sarong drayber nin tren sa Catalonia.
Presente man sa nasabing seremonya si King Felipe VI asin si Queen Leticia mantang wara man si Prime Minister Pedro Sanchez asin Transport Minister Oscar Puente.
Basado sa imbestigasyon kan mga awtoridad, pigtutubodan na may nangyaring crack sa riles antes pa man madiskaril an tren na pasiring sa Madrid hale sa Malaga.
Makalihis an poco mas o menos 20 segundos, nakabangga suboot ini sa saro pang tren na pasiring sa Huelva hale sa ibong na direksyon.
Sinabi man ninda na an agwat sa pagultangan kan duwang tren an pwedesir na siyam na segundo sana.
