LEGAZPI CITY – Inihayag kan Provincial Health Office (PHO) na nag-aabot pa sana sa 26% na mga healthcare workers an nabakunahan kan COVID-19 vaccine sa Catanduanes.
Sa intrevista kan Bombo Radyo Legazpi ki PHO head Dra. Hazel Palmes, haros patapos na an rollout kan vaccination para sa enot na naipadarang bakuna kun kaya kulang na an suplay para sa mga target na mabakunahan.
Hagad kan opisina na magin prayoridad man an provincia sa COVID vaccine ngani na maabot an populasyon kan target na mabakunahan.
Sa presente dagos-dagos naman an vaccination rollout para sa second dose kan Sinovac vaccine.
Pigkakarkulong nasa 74% pa kan mga healthcare workers an dae pa nababakunahan sa provincia.
Kaya tinawang duon ni Palmes na dae pa makakabale sa alokasyon na bakuna an mga local chief executives na tinugutan ng magresibe nin COVID vaccine.
