LEGAZPI CITY — Daeng katapusan suboot an kampanya kan kapulisan laban sa iligal na transaksyon sa droga huli sa dae man na katapusan an pagpasaway kan mga drug personalities.
Segun ki P/Supt. Nilo Berdin, hepe kan Legazpi City Police, manloloko suboot an mga nagsurender na durugista huli sa nagpartisipar sinda sa programa kan gobyerno, nagpromesa na mabago ngane na dae makasuhan alagad nagpadagos man liwat sa mga aktibidad na konektado sa droga.
Obheto sana suboot kan mga ini na makakua nin kwarta alagad dae pig-isip an karautan na dara kaini sa iba.
Inapod pa ni Berdin na masahol pa sa hayop an mga ini asin mas maray pa suboot an magkaigwa nin aki na may deperensya kesa magkaigwa nin adik.
Sa huri, sinabi kan hepe na ipapadagos ninda an kampanya laban sa droga asin matakot na suboot an mga naggigibo nin kabuahan.
