Nakarekober nin maabot sa 32 na mga dekalibreng badil an pwersa armada kan 9th infantry division kan Philippine army sa parte kan Iriga City.
Sa intrevista kan Bombo Radyo Legazpi kay Maj. Frank Roldan an DPAO chief kan 9th I.D Philippine Army, umabot sa duwang aldaw an ginibong paghahanap sa pinagtaguan kan mga badil sa lugar.
Nakaresibe nin impormasyon an mga otoridad sa nagkapirang residente na nakailing nin kahinahinalang indibidwal na naglilibot sa parte kan Barangay Sta. Isabel sa Iriga.
An mga armas an pigkakahandalan na posibleng gamiton sa maabot na eleksyon.
Nasa 18 M16 riffle, 2 m14 riffle, isang Baby armalite asin sarong shotgun an narekober sa naunambitang lugar.
Nadipisilan man na maghanap an mga otoridad sa mga badil asin kinaipuhan pa na gumamit nin metal detector.
Nasa Duwang lokasyon man an pinagtaguan kan mga armas sa kaparehong lugar.
Huli sa pagkarekober kan mga armas nagtutubod an mga otoridad na padagos nang nagluluya an pwersa kan mga rebelde sa lugar.
Nagtutubod man an opisyal na bako lang sa Iriga igwang mga arog kaining sitwasyon kaya padagos man an pagbabantay kan mga otoridad sa mga lugar na posibleng pagtaguan pa nin mga armas asin pinagtataguan kan mga rebelde.
Sa presente dae pa man na nareresibeng reklamo sa lado kan mga asperante para sa 2025 eleksyon manungod sa sitwasyon kan pangingikil kan mga rebelde.
Mientras tanto padagos man na nakadeploy sa nagkapirang probinsya kan Bicol partikular na sa Masbate an labang pwersa kan Philippine Army.
