LEGAZPI CITY- Labi an kaugmahan kan mga debotong Katoliko sa Roma asin an iba an nagin emosyunal pa makalihis an pagkakapili ki Robert Prevost o Pope Leo XIV bilang bagong Santo Papa.
Marurumduman na si Prevost an pinaka enot na American Pope sa historya.
Segun ki Bombo International News Correspondent Vic Globio direkta sa Rome, Italy sa intrevista kan Bombo Radyo Legazpi na nahihiling kan mga deboto na susundan kaini an yapak kan namaaram na si Pope Francis.
Marurumduman na makalihis siyang mailehir bilang bagong lider kan Simbahang Katolika, enot na sinabi kaini an mga katagang ‘Peace be with you.’
Ini suboot an pinaka kinakaipuhan sa ngunyan kan kinaban urog na sa mga angat na pigkakahampang kan kinaban.
Segun pa ki Globio na pinaglalaoman man kan mga deboto na magigin ugos man si Pope Leo XIV sa mga ordinaryong namamanwaan.
