LEGAZPI CITY- Liwat na nagpatanid an sarong toxic watchdog sa padagos na talamak na pagpapabakal nin mga beauty products na peligroso sa salud.
Segun ki BAN Toxics Campaigner Thony Dizon na komon na nababakal an nasabing mga peligrosong produkto online.
Ini an sa ibong kan pagkontrol sa pagpapabakal sa mga physical stores.
Aminado kaya an opisyal na difisil na ma-regular an mga sellers sa online kumparar sa mga physical stores.
Segun ki Dizon na an nasabing mga produkto na igwang peligrosong mercury an nakakadistroso sa kublit asin nakakalason sa mga nagagamit kaini.
Nangapudan man an grupo sa publiko na ipaabot sa mga otoridad enkasong igwang mga nahihiling sa social media na napapabakal nin mga peligroso asin ipinagbabawal na produkto.
