Na-flag kan pirang bangko ang mga transaksyon sa mga account ni Vice President Sara Duterte huli sa mga alegasyon nin graft and corruption, drug trafficking asin malversation kan public funds, susog sa Anti-Money Laundering Council o AMLC.
Sa impeachment trial, sinabi ni AMLC Executive Director Ronel Buenaventura na kabale digdi an duwang transaksyon para sa insurance premium payments sa Mercantile Insurance kan Hulyo asin Nobyembre 2019 na ini-report bilang suspicious transactions.
May iba pang transaksyon kan Agosto 1, 2024 sa Philippine Savings Bank na iniugnay sa “drug trafficking and related offenses.”
Mantang ini-report man bilang suspicious transaction ang Disyembre 5, 2024 na transaksyon sa BDO Life Assurance Company huli sa suboot malversation kan public funds.
Nakasaad man sa report an alegasyon na salang paggamit an confidential funds kan Office of the Vice President.
Segun ki Buenaventura, ang mga nasabing transaksyon an nakapangaran ki Sara Z. Duterte.
Nagkontra an depensa sa presentasyon kan mga dokumento, huli suboot nakabasado sana sa mga news report ang pag-flag kan mga bangko.
