LEGAZPI CITY- Ibinaba na an mga ataman na hayop na nasa laog kan 6km radius permanent danger zone kan bulkang Mayon sa parte kan Barangay Mabinit, Legazpi City.
Segun ki Kagawad Danny Baranquil sa intrevista kan Bombo Radyo Legazpi na an lakdang an para sa Veterinary Medical Mission.
Alagad paramientras na dae na muna tutugutan an paglaog liwat kan mga ini sa pamitisan kan bulkang Mayon huli sa nagpapadagos na aktibidad kaini.
Paliwanag kan opisyal na komon na nakaka eksperyensya nin ashfall an saindang barangay asin nahahadit na maapektaran an salud kan mga ataman.
Sa presente, napapangatamanan man suboot an mga ibinabang hayop asin warang dapat ikahadit an mga tagsadiri kaini.
