Puminakol na sa 748,379 katawo o katampad nin 217,012 pamilya an apektado kan magnitude 6.9 na linog na nagyugo sa Bogo City, Cebu kan Setyembre 30, segun sa National Disaster Risk Reduction and Management Council (NDRRMC).
Basado sa datos kan NDRRMC, 1,324 na pamilya o 5,170 katawo an padagos na nagtetenir sa 19 evacuation centers.
Nairehistro man an 79 na mga nagadan asin 559 irido, sa ibong kan presente pang bineperipika an mga datos kan ahensya.
Katakod kaini igwa nang 12,704 aftershocks poon kan tuminama an linog.
Nasa 134,224 na harong man an nadanyaran kun saen 126,928 an partially damage asin 7,296 an totally damage.
Pigkakarkulong maabot sa P6.76 million an danyos sa imprastraktura sa Region 7, kabale an 11 kakalsadahan asin 25 tulay na naapektaran, kun saen apat na tinampo asin 11 tulay an mantinidong dae pa maagihan.
Mientrastanto uminabot na sa P464.78 million an naibarewas na tabang kan gobierno para sa mga apektadong pamilya, segun sa NDRRMC.
.){kind=link}