Pigyugo nin magnitude 7.4 na linog an baybayon kan Chiapas sa Mexico, na namatean man sa Guatemala asin El Salvador.
Segun sa United States Geological Survey (USGS), tuminama an linog sa banwaan kan Puerto Madero sa rarom na poco mas o menos 10 kilometro.
Kasunod kan pagyugo, nagpaluwas an U.S. Tsunami Warning System nin patanig na posibleng magkaigwa nin tsunami waves sa mga baybayon na nasa laog nin 300 kilometro hali sa epicenter kan linog.
Sa Guatemala City, nag-ebakwar man hali sa saindang mga harong an mga residente.
Segun sa report na nagkaigwa man nin evacuation sa mga empleyado sa nagkapirang establishimento kan gobierno bilang parte kan safety protocols.
