Pinahimutikan ni Naga City Mayor asin dating bise presidente Leni Robredo an naglalakop na fake news online na peke o staged suboot an paglunad niya sa pampasaherong bus pasiring sa Maynila na warang kaibanan na security o bodyguard.
Sa sarong post online, nilinaw ni Robredo na an nag-viral na video sa bus terminal an bako hali sa saiyang kampo, kundi orihinal na kuwa asin in-upload ni Sangguniang Kabataan (SK) Chair Marlon Casilao.
Paliwanag kan alkalde na nagkataon sana na taon man an opisyal kan SK sa lugar.
Mantang inomaw kan mga tagasuporta an pagigin simple kan alkalde, kinuwestyon man ini ni dating Presidential Spokesperson Harry Roque.
Segun ki Roque na mas kapani-paniwala kuta an sitwasyon kun ordinaryong komyuter an nagkuwa kan ladawan asin bako an mismong staff ni Robredo.
Pigtutukoy ni Roque an suway na ladawan na enot na ipigheras kan executive assistant ni Robredo na si Ray-An Rentoy.
Segun ki Rentoy na pinili kan alkalde na mag-commute pasiring sa official business sa mga ahensya kan gobierno sa Manila kaysa gumamit nin government vehice ngani na makatipid sa krudo.
