LEGAZPI CITY – Ipigdoon kan pirang Internally Displaced Persons kan Barangay Calbayog sa Malilipot, Albay an saindang pamumuhay ngonian na padagos an pag-aalburuto kan Bulkan Mayon.
Segun ki Gemma Bo sa intrevista kan Bombo Radyo Legazpi na napipiritan siyang maglaog liwat sa 6KM permanent danger zone nganing magkuwa sana nin mga panggatong asin niyog para sa saindang negosyo.
Padagos man an saiyang pagdiskarte sa paagi nin pagtienda nin mga pagkakan nganing makakuwa nin ganansya asin gastuson kan saindang pang-urualdaw na pangangaipuhanan.
Ipigheras niya man na may mga nareresibi man sindang mga ayuda na gikan sa Lokal na Gobierno, Department of Social Welfare and Development, asin iba pang grupo na nakakatabang nganing mairaos an saindang pamumuhay sa tahaw kan kalamidad.
Kahagadan man ni Bo na matawan sinda nin supisyenteng malinig na inumong tubig siring man an kadugangang comfort rooms huli ta ini saindang nakakahampang na angat poon kan saindang pagtenir sa evacuation center.
