Isasairarom kan Bureau of Corrections (BuCor) si death row inmate Mary Jane Veloso sa limang aldaw na quarantine period pagbalik kaini sa nasyon.
Sa sarong pahayag, pig-eksplikar kan BuCor na parte kan saindang protocol para sa mga bagong person’s deprived of liberty (PDL’s) na ibugtak muna sa Correctional Institution for Women sa Mandaluyong si Veloso nganing sumairarom ini sa quarantine.
Segun man sa pamunuan kan BuCor, matenir sa sarong designated isolation area si Veloso para sa medical observation kun saen isasagibo man an medical asin physical examination sa saiya nganing maaraman kun may namamatean ining pisikal o mental na helang.
Pagkatapos kaini an makikipag-olay man si Veloso sa corrections supervisor bilang parte kan saiyang registration process asin nganing magtao nin contact information para sa pamilya asin mga authorized vistors na pwede sanang bumisita saiya.
Mientrastanto, matatapos man an quarantine ni Veloso sa December 24 kun saen pwedesir na ining mabisita kan saiyang pamilya.
