LEGAZPI CITY—Arestado kan mga otoridad an sarong pasahero makalihis na makuwaan ini nin pigtutubudang maijuana sa Matnog Port sa provincia kan Sorsogon.
Segun ki Matnog Municipal Police Station Chief of Police Police Captain Wilfred Lloyd Berdin, sa intrevista kan Bombo Radyo Legazpi, an suspek residente kan Cainta, Rizal.
Nagkundusir nin inspeksyon makalihis ma-monitor kan operator sa security screening an pigtutubudang plastic container na nakabugtak sa belt bag kan suspek magin an suboot kaduda-dudang hiro kaini.
Huli digdi naghagad man nin asistensya an nasabing personahes sa saindang opisina asin Philippine Drug Enforcement Agency K9 Narcotics Detection Dog asin ginibo an pag-inspeksyon.
Tulos man ining inarestar kan mga otoridad makalihis na makumpiskar na may laog an plastic container nin pigtutubudang dried marijuana leaves na may gabat na labi duwang gramos asin may estimated drug price na P240.00.
Basado sa imbestigasyon na pasiring an suspek sa Visayas asin dara an marijuana gikan sa National Capital Region.
Mientrastanto, padagos man an saindang pagpapaotob nin police visibility asin koordiasyon sa iba pang ahensya nganing malikayan an pagpuslit nin ilegal na droga sa nasabing pantalan.
