LEGAZPI CITY – Nanindugan an sarong peace studies professor na dapat magfocus an presenteng administrasyon manungod sa national interest asin pagdoon kan philippine sovereignty partikular na sa satuyang exclusive economic zone.
Segun ki Bicol University Peace Studies Professor Dr. Herbert Rosana sa intrevista kan Bombo Radyo Legazpi na wara pa sa ngonian nin kakayanan an Pilipinas na magbale sa mga world issues huli ta saro ini sa mga nagtitios na nacion sa enterong kinaban kasabay pa an pag-diskriminar kan ibang darakulang nacion.
Mapagal man suboot mag-verbalize urog na kun maluya an lebel kan kaaraman kan mga lider manungod sa international relations na dae man malilikayan sa presenteng panahon.
Nahihiling niya na kulang ang kaaraman manungod sa international issues alagad bilang sarong paratukdo, mandato niyang pahiwason an saindang knowledge na makakatabang man sa saindang futuro.
Suhestyon man kan naunambitang professor na dapat tutukuan kan gobierno an pagpapakusog kan pwersa militar para sa teritorial protection asin insurhensya man na tututukan kan mga kapulisan.
Korapsyon man suboot an numero unong kalaban kan nacion ngonian huli ta ini an nagigin rason kan pagkalugmok kan kadaklan sa mga pilipino sa presenteng panahon.
Pagdoon niya man na wara man na nangyayari sa provincia kan Albay huli ta padagos pa man liwat an patronage politics kun kaya dae mababasol an mga albayano huli ta biktima man sana sinda kan mga nangyayaring korapsyon.
Dismayado man si Rosana sa mga politiko huli sa paggamit kan saindang emosyon nganing makadulag sana sa mga isyu sa provincia arug na sana kan quarrying, traffic huli sa mga road re-blocking na dae man kaipuhan asin iba pa.
