Nagdesisyon an Manila City Government na sisimbagon ninda an kita sa kada aldaw kan mga jeepney drivers.
Segun ki Mayor Isko Moreno na tatawan ninda nin P3,000 an kada driver kada aldaw asin karibay kaini an libreng sakay sa Manila.
Pinagkakarkulong labi sa 1,400 na mga jeepney drivers an mapartisipar sa nasabing programa.
Nakalaag sa ipinaluwas na Executive Order na ini an gigibuhon nin limang aldaw sa laog nin duwang semana.
Posible man na mapalawig an programa depende sa pondo kan Manila City government.
Makikinabang sa nasabing programa an nasa 100,000 na pasahero kada aldaw.
