Nakatalaan na magpaluws si Presidente Ferdinand Marcos Jr., nin sarong executive order ngani na ipaotob an price cap na P50 kada kilo para sa imported na well-milled rice.
Kasunod ini kan pag-oolay kan Unified Package for Livelihoods, Industry, Food and Transport Committee.
Dugang pa kan presidente na pinahewas man an P20/kilong bagas na programa kan gobierno.
Sa presente igwa na nin 627 na distribution centers sa bilog na nacion.
Hali sa dating 600 toneladang suplay, nagsakat pa ini sa 2,000 tonelada huli sa paglangkaw kan demand.
Sinabi man kan presidente na nagtetenir sa suggested retail price an presyo kan pangenot na mga babarakalon, kaibanan na an bagas.
Padagos man an pagmamawot kan gobierno na kontrolon an presyo kan 205 commodities sa tahaw kan presenteng krisis sa enerhiya.
