LEGAZPI CITY-Naeksperyensyahan man an magnitude 6.9 na linog na tuminama sa norte kan Japan kan Lunes.
Wara man nin tsunami warning na ipinaluwas asin wara man nin naireport na casualty o dakulang danyos.
Segun sa sa Japan Meteorological Agency, nangyari an linog pasado alas 7:30 nin aga sa baybayon kan Iwate Prefecture sa mayor na isla kan Honshu, sa rarom na 50 kilometros.
Namatean man ini sagkod sa Tokyo, labing 700 kilometros hale sa sentro kan linog.
Sa Aomori Prefecture na pinakaharani sa epicenter, nairehistro an linog sa “upper 6” na lebel sa Shindo intensity scale kan Japan, sarong lebel na nagigin rason kan matindng pagyugo na nagpapadifisil sa pagtindog na warang suporta asin pwedisir magin rason kan pagkahulog kan mga kagamitan asin pagkaraot kan mga bintana.
Tulos man na sinuspinde kan East Japan Railways an operasyon kan Tohoku Shinkansen bullet train sa pag-ultanan kan Sendai asin Shin-Aomori para sa sarong inspeksyon.
