LEGAZPI CITY – Tinawang duon kan sarong kongresista na dapat magin modelo an mga opisyales kan gobierno sa pagserbi nin hustisya.
Ini an makalihis na konderan ni dating Presidente Rodrigo Duterte asin Vice President Sara Duterte sa pagbalong pag-arestar ki Pastor Apollo Quiboloy.
Sa intrevista kan Bombo Radyo Legazpi ACT Teachers Party List Rep. France Castro, inapod kan mag-ama na ”overkill” an ginibong pagserbi kan mga otoridad nin warrant of arrest sa Pasto.
Inako man ni Castro na kadakol talagang kapulisan asin iba pang operatiba an nagsakyada sa Kingdom of Jesus Christ alagad ginibo ini huli man sa huma na dae suboot magpapadakop nin buhay si Quiboloy.
Sinabi pa kaini na si mismong dating Presidente Duterte an nagsabi sa International Criminal Court na nagagana an justice system sa Pilipinas.
Katakod kaini, inihayag ni Castro na dapat sanang patunayan ni Duterte an nasabing pahayag sa paagi kan pagpasuko ki Quiboloy.
Dae man ikinangalas kan lehislador kun nata pigdedepensaran kan mag-ama an Pastor huli naman sa mga naitaong dakulang tabang sa saindang kandidatura.
