LEGAZPI CITY-Nagin mas engrande pa an 2026 FIFA World Cup Final makalihis na isagibo sa kaenot-enoting pagkakataon an sarong halftime show na tampok an nagkapira sa pinakadarakulang pangaran sa kinaban kan musika.
Pinangenotan ni Madonna an halftime show sa saiyang hit song na “Music.”
Naglaog man siya sa stadium sakay kan sarong dune buggy na pigmamaneho kan Brazilian football legends na sinda Ronaldo asin Ronaldinho.
Sinundan ini kan K-pop group na BTS, na nag-perform kan saindang sikat na kantang “Dynamite.”
Kasunod nama si Justin Bieber, na kinata an saiyang acoustic version kan “Everything Hallelujah,” kun sain binago niya an huring linya kan kanta bilang “World Cup Hallelujah.”
Nagtapos an musical performance sa pagkasararo ninda Shakira asin Burna Boy para sa “Dai Dai,” an opisyal na kanta kan 2026 FIFA World Cup.
Bago pa man an laban, nagin orolay na an halftime show huli ta lagpas ini sa karaniwang 15 minutong halftime break sa football.
Mantang uminabot sa 11 minuto an mismong pagtatanghal, naghaloy ini nin haros 27 minuto an kabilugang halftime huli sa paglalaag asin paghale kan mga kagamitan sa tahaw kan field.
