Dae makaka atendir si Dallas Mavericks guard Luka Doncic sa pre-season preparation kan koponan sa laog nin sarong semana makalihis magsapar nin calf injury durante kan saiyang workout.
Mapuon an training camp ngunyan na semana, kun sain si Doncic an pasiring na sa ika-pito niyang season sa Mavs.
Segun sa koponan na magsasairarom pa an Slovenian star sa sarong semanang ebalwasyon.
Si Doncic an igwang average na 33.9 points, 9.2 rebounds asin 9.8 assists kada kawat kan nakalihis na season.
Inakay man niya an Mavericks pasiring sa 2024 NBA Finals kun sain dinaog sinda kan Boston Celtics.
