Pinalawig pa kan Land Transportation Office an deadline kan pagbabawal sa mga improvised asin temporary plates para sa mga behikulo.
Sa ibong kaini, ipigduon kan ahesnya na kinakaipuhan na naka-install na an mga natawan na kan nasabing plaka.
Pinalawig an deadline nin tulong bulan hasta sa Disyembre 31 sa presenteng taon, hali sa dating September 1, 2024.
Segun ki LTO chief Assistant Secretary Atty. Vigor Mendoza II na wara na nin backlog para sa mga four-wheeled vehicles kaya wara ng rason ngani na dae i-claim an mga plate number.
Napag-araman na sa mga motorsiklo na sana an natatadang backlog asin pigtatawan ngunyan nin atensyon kan ahensya.
