Nagpaluwas nin 30 aldaw na preventive suspension order an Land Transportation Franchising and Regulatory Board (LTFRB) kontra sa siyam na unit nin bus ka DLTB (Del Monte Land Transport Bus) kasunod kan sarong madugong aksidente sa Pagbilao, Quezon na ikinagadan nin duwang pasahero asin ikinairido nin labi sa 30 iba pa.
Nangyari an insidente sa national road sa Sitio Upper Sapinit, Barangay Silangang Malicboy.
Segun ki LTFRB Chairperson Atty. Vigor Mendoza, afuera sa suspensyon nagpaluwas man nin show cause order an ahensya ngani na ipaliwanag kan kumpanya kun nata dae dapat na dagos na kanselaron an saindang prangkisa.
Pigsugo an operator na magsumiter nin maintenance records asin ipasairarom sa inspeksyon an gabos na mga apektadong bus ngani na masierto an seguridad kan operasyon.
Ipigsugo man na an driver na imbwelto sa aksidente an magsairarom sa drug test asin public safety seminar mantang pighahalat an pagdangog na nakatalaan sa Mayo 7, 2026.
