Ipapaapod kan Land Transportation Franchising and Regulatory Board (LTFRB) ang 19 Transport Network Companies (TNCs) makalihis makaresibe nin mga reklamo hale sa pirang rider mapadapit sa suboot dae pagpapaotob kan aprubadong fare increase para sa Transport Network Vehicle Services (TNVS).
Magigiromdomang ipinaotob kan LTFRB kan Lunes an bagong pasahe para sa mga public utility vehicle (PUV), kabale an mga TNVS.
Sa irarom kan bagong fare matrix, naglangkaw gikan ₱45 hanggang ₱65 ang base fare para sa TNVS sedan. Para man sa AUV, ₱55 na ang base fare gikan sa dating ₱35, mantang ₱65 na man an base fare para sa hatchback. Mientrastanto, ₱165 naman ang bagong base fare para sa premium TNVS.
Huli digdi, pigpapasurat kan LTFRB ang 19 TNCs nganing ipaliwanag kun naya dae dapat sinda patawan nin suspensiyon o kanselasyon kan saindang accreditation huli sa suboot dae pagsunod sa pigpapaotob na fare hike.
Isasagibo an hearing sa Oktubre 7, kung saen tatawan nin pagkakataon ang mga kinauukulang TNC na magpaliwanag mapadapit sa mga reklamo.
