LEGAZPI CITY – Kinondena kan League of Provinces of the Philippines an panggagadan ki Calbayog City Mayor Ronald Aquino na sarong elective public official.
Sa intrevista kan Bombo Radyo Legazpi ki LPP President asin Marinduque Gov. Presbitero Velasco, mandato kan mga opisyal na manirbihan para sa publiko.
Asin kun may dai pagkakasinabutan, mas maray nang pag-olayan ini o kaya sa kaso na sana iagi alagad dai na magresulta pa sa panggagadan.
Sa anggulo kan posibleng eleksyon, pahayag pa ni Velasco na sa paglaban na sana kuta sa pwesto an pag-angat sa liderato.
Bako man suboot magayon an mensaheng pigpapaabot kaini sa mga turista, foreigners magin sa mga investor.
Nahahandal si Velasco na posibleng mag-abot an panahon na wara nang magmawot na magtukaw sa posisyon.
Hagad man kan opisyal na maitulod tulos an hustisya sa nawalat na pamilya ni Aquino.
