Pinangenotan ni LeBron James an Los Angeles Lakers sa saindang kapangganahan laban sa Los Angeles Clippers, 122-97.
Nagkamada si LeBron nin 26 points, may walong rebounds, asin siyam na assists, mantang sinda Rui Hachimura asin Austin Reaves an nag-ambag nin tig-20 points asin siyam na assists kada saro.
Dawa dae pa nakakapagkawat an bagong recruit na si Luka Doncic nin huli sa calf injury, nagpahiling an Lakers nin matibay na opensa, na may shooting percentage na 55.6% hale sa field asin 48.6% hale sa three-point range.
Sa ibong kan pagkawara ninda Anthony Davis asin Max Christie, na kaiba sa trade para kay Doncic, nagibo pa man kan Lakers na i-domina an kawat.
Mientrastanto, nangenot para sa Clippers si Norman Powell na may 20 points, mantang si Kawhi Leonard an nagdugang nin 11 points sa saiyang ika-12 kawat poon kan nagbalik ini sa pagkawat poon kan saiyang injury.
