Gadan an sarong 66-anyos na lalaki makalihis na tamaan nin ligaw na bala mantang nakatukaw sa luwas kan saiyang harong kan bisperas nin pasko sa Pampanga.
Basado sa imbestigasyon kan Pampanga Police, naghona suboot an biktima na may nag-gapo sana saiya nin gapo makalihis na tamaan ini sa saiyang daghan.
Alagad pakalihis nin pirang minuto, narisa an pagdugo sa saiyang daghan kun kaya idinalagan siya sa ospital, alagad ipigdeklara man na gadan na makalihis na makaabot an bala sa saiyang puso.
Sinabi ni Police Colonel Eugene Marcelo, director kan Pampanga Police na mayong nakuang residue nin pulbura sa biktima.
An narekober na bala kapareho suboot kan ginamit sa pag-hunting nin bayong, kun kaya pigtutubodan na air gun an ginamit.
Igwa nang person of interest an mga otoridad asin pig-iimbestigaran kun nakainom an suspek kan mangyari an insidente.
Nagpapadagos pa an imbestigasyon asin pighahanda na an mga dokumento para sa pagsangat kan magkakanigong kaso.
