Pirang semana antes an Undas o an All Saints’ Day asin All Souls’ Day, sarong propwestong ley na nag-susugo sa gobyerno na magtao nin libreng serbisyong lubong para sa mga nagtitiios na Pilipino an awtomatikong nagin ley na maski warang pirma ni Presidente Ferdinand “Bongbong” Marcos Jr.
Ini an para sa mga warang kakayanang tustusan an disenteng lubong para sa saindang mga mahal sa buhay.
An nasambitang ley na kinonsiderang Republic Act No. 12309 o an “Free Funeral Services Act,” an nagin ganap na ley kan Setyembre 28, 2025.
Sa ibong kan dae pa ini naimumukna sa Official Gazette website mahihiling na an kopya kaini sa opisyal na website ng Senado.
Susog sa RA 12309, an Estado nagbubugtak kan polisiya sa pagbusol nin sarong makatarungan asin dynamic social order na masyerto kan kauswagan asin kalayaan kan nasyon asin magpapalaya sa kahirapan an namamanwaang Pilipino.
Ini an sa paagi kan mga polisiyang nagtatao nin bastanteng serbisyong pansosyodad, nagbubusol nin ganap na trabaho, mas halangkaw na lebel kan pamumuhay, asin mas maray na kalidad kan buhay para sa gabos.
