LEGAZPI CITY – Kinondenar kan grupo kan Lesbian, Gay, Bisexual, Transgender, Queer, Intersex and Asexual/Allies (LGBTQIA+) community sa Bicol University (BU) an bako marhay na pagtratar sa sarong transgender woman.
Magigirumduman na nagin trending an video ni Gretchen Diez na inulang kan janitress kan sarong mall kan magbalong maglaog sa comfort room kan mga babayi asin dinara pa sa presinto.
Sa intrevista kan Bombo Radyo Legazpi ki BU Magenta president Kennetchi Espedido, aminado ining nabigla asin nadagit kan mahiling na pinosasan pa si Gretchen urog na bako man suboot ini kriminal.
Katakod kaini, nag-apelar man si Espedido na maisaley na an Sexual Orientation and Gender Identity Expression (SOGIE) Equality bill na magpapakusog sa mga direchos kan mga miembro kan LGBTQIA+).
Dugang pa ni Espedido na panalmingan sana an nangyari sa haros aro-aldaw na diskriminasyon na pigsasapar kan community.
Mas magtatao suboot an lakdang nin convenience asin pagigin bukas kan sociedad partikular na sana sa nagkapirang direchos urog na sa pagkakaigwa nin sadiring CR kan mga miembro.
