LEGAZPI CITY—Nakisumaro an Legazpi Task Force Kalinigan sa pigkukundusir na clean up drive sa mga barangay kasunod kan mga nairehstrong kaso nin dengue sa ciudad.
Segun ki Legazpi Task Force Kaayusan Kalinigan Head Andy Marbella, sa intrevista kan Bombo Radyo Legazpi, kabale sa saindang nalinigan an Ibalong Centrum for Recreation (ICR) kun sain kaiba sa kabale sa saindang piglilinigan an mga baso na ginamit sa street foods urog na an iba an nabubugtakan nin tubig pag natapok sa kun sain na lugar.
Kadakol suboot sindang nakukua nin siring na bagay na may laog nin kiti-kiti.
Katakod kaini, aabisuhan ninda an mga paratienda na sabihan an mga konsomedores na likayan an pagtapok nin basura sa kun saen-saen.
Sinabi man kan opisyal na tatawan ninda nin prayoridad an pagkolekta an mga balde o planggana na raraot na asin ipiggilid na sana, mga bote, mga ginamit sa street foods, o anuman na pwedesir istaran kan mga lamok.
Padagos man an pangapudan ni Marbella sa publiko na magin responsable sa pagtapok nin basura nganing maibitaran an paglakop pa kan nasabing helang.
