LEGAZPI CITY- Naglatag na an mga otoridad nin rerouting plan para sa mga byaherong maaapektaran kan mga aktibidad kan Legazpi City para sa Arts month.
Segun ki Legazpi City Public Safety Office head Octavio Rivero sa intrevista kan Bombo Radyo Legazpi na puon alas-3 atyan na hapon paramientras na isasarado an Rizal St. Corner Rivera St. asin Rizal St. Cor. Rosario St.
Ini an ngani na matawan dalan an isasagibong parada puon sa Bicol University grounds hasta sa Legazpi City hall.
Pinag-aantisiparan na nasa apat hasta limang oras an durasyon kan pagpapasarado kan nasabing mga tinampo.
Katakod kaini, nangapudan nin pagsabot an opisyal sa mga motorista na maapektaran kan nasabing mga aktibidad.
Pinaglalaoman kaya na magkakaigwa nin gubot na trapiko huli sa nasabing aktibidad.
