LEGAZPI CITY—Tinawan nin pagbisto kan mga kapulisan an sarong parking attendant sa ciudad kan Legazpi huli sa saiyang honesto sa pagbalik kan nawawarang cellphone na nakua sa sarong parking lot nin establishimiento sa lugar.
Segun ki Legazpi City Police Station Public Information Officer Police Executive Master Sergeant Carlos Paña, saro si Marty Danvil Montalban sa mga parking attendant na kun saen an gabos na nawawarang bagay na nakukua niya sa lugar an ipigtao niya an impormasyon sa mga kapulisan nganing maibalik ini sa saindang kagsadiri.
Tinawan kan kapulisan nin Certificate of Appreciation asin token si Montalban sa saiyang maray na gibo.
Mientrastanto, nagpapasalamat man si Montalban sa Legazpi PNP sa pagtao saiya nin siring na pagbisto.
