LEGAZPI CITY- Pinag-aandaman na ngunyan kan Legazpi City Water District an posibleng pagbaba kan antas kan tubig katakod kan pigkakahaditan na epekto kan super El Niño.
Huli digdi, sinabi kan ahensya na kinakaipuhan an amay na preparasyon ngani na mamantenir an suplay kan tubig.
Segun ki LCWD General Manager Rico Salazar sa intrevista kan Bombo Radyo Legazpi na pinaghahandaan an pagbaba kan water level sa mga sources asin ini an nagsi-signal sa potential supply stress.
Tinawan duon man kan opisyal na dapat na seryosohon an sitwasyon ngani na makapaghanda asin maibitaran an negatibong impact kaini sa mga residente.
Ini urog pa na sa siring na mga panahon, naglalangkaw man an demand sa konsumo kan tubig kasabay pa kan pagdakol kan populasyon.
Aminado man si Salazar na nagkakaigwa nin operational challenges sa supply asin demand imbalance lalo na sa mga haralangkaw na lugar sa ciudad.
Sa presente nagsumiter na suboot an ahensya nin propuesto sa lokal na g obierno na hilingon an pagmanehar kan mga open water sources.
