LEGAZPI CITY — Nanindugan an legal counsel ni Daraga Mayor Carlwyn Baldo na dae ninda tutugutan na ilipat an alkalde sa kustodiya kan PNP-Camp Crame Gen. Hospital.
Ini makalihis isuhestyon kan Criminal Investigation and Detection Group (CIDG) na ilipat sa nasambit na pasilidad an opisyal enkaso kaipuhan pa kaining ma-confine.
Segun sa saro sa mga abogado kan alkalde na si Atty. Merito Lovensky Fernandez, an halawig na biyahe an peligroso para sa salud ni Baldo na ngunyan an nailuwas na sa ospital asin nagtetenir na sa kustodiya kan Legazpi City jail.
Pigduon ni Fernandez na mas pipilion pa kan alkalde na magtenir na sana sa detention cell kaysa darahon ini sa Camp Crame.
Dugang pa kaini na bako buot sabihon na nagtetenir sindang silensyo, matugot na sinda sa anuman na kagustuhan kan PNP.
Mientras tanto, piglinaw man kan abogado na bako delaying tactics an nangyari ki Baldo huli ta totoong igwa ining kamatean.
