LEGAZPI CITY-Arestado an sarong lalaking imbuelto sa iligal na droga sa Barangay Culiat Daraga Albay.
Segun kay Daraga Police Provincial Office Police Lieutenant Isabel Nopia, sa intrevista kan Bombo Radyo Legazpi, na binisto an suspek na si alyas “Bogz”, 37-anyos, sarong laborer asin residente kan nasabing barangay.
Nakumpiskar sa suspek an apat na heat sealed transparent plastic sachet nin pigtutubudang shabu.
Sa presente, an nasa kustodiya na kan Daraga Municipal Police Station an suspek kun sain pigpreparar na para sa saiyang inquest, asin pagsangat nin kaso na nagbabayolar sa Section 5 asin Section 11 Article 2 kan Republic Act 9165 o an Comprehensive Dangerous Drugs Act of 2002.
Naarestar suboot an suspek katuwang an Philippine Drug Enforcement Agency.
Dagdag pa kan otoridad na padagos an saindang pagbantay sa mga operatiba asin kooperasyon sa mga barangay kun sain katuwang ninda ini enkaso igwang mga nanotarang iligal na drug operation sa saindang mga barangay.
Pagirumdom man sa mga taga-daraga na magin alerto asin enkaso na igwang aktibidad na iligal na transaksyon nin droga sa saindang lugar, an tulos na isumbong sa mga kapulisan para sa makakanigong aksyon.
