LEGAZPI CITY—Arestado an sarong lalaki huli sa kasong Anti-Fencing Law sa Barangay Rawis, Virac, Catanduanes.
An suspek sarong 32-anyos, warang agom, laborer asin residente kan nasambitang lugar.
Naarestar ini sa pinagsarong operatiba kan Virac Municipal Police Station (MPS), Criminal Investigation and Detection Group Catanduanes Provincial Field Unit asin Provincial Highway Patrol Team Catanduanes.
Matrayumpong naarestar an suspek sa kusog kan mandamiento de aresto na iniluwas ni Hon. Ritche Reyes Regala, Acting Presiding Judge of Regional Trial Court, 5th Judicial Region RTC Branch 43 na may petsang October 14, 2025 sa kasong Anti-Fencing Law of 1979 (RA 1612) kun saen may pigrekomendang pyansa na P72,000.
Sa presente nasa kustodiya na kan Virac MPS an suspek para sa dokumentasyon asin nakatalaang ihampang sa korte para sa magkakanigong proseso.
