LEGAZPI CITY—Timbog an sarong 31-anyos na lalaki sa ikinundusir na buy-bust operation kan mga otoridad sa Barangay San Vicente, Virac, Catanduanes.
Naarestar an suspek makalihis na magpabakal nin pigtutubudang marijuana sa poseur-buyer.
Narekober sa suspek an duwang Tbag Ziplock bags na may laog nin dried leaves na pigtutubudang marijuana, asin iba pang non-drug items na ginamit sa transaksyon.
Matrayumpong naarestar ini sa pinagsarong operatiba kan Virac Municipal Police Station, Provincial Intelligence Unit asin Regional Police Drug Enforcement Unit 5.
Sa presente, nasa Provincial Forensics Unit na an mga nakumpiskar na substance hale sa suspek, mantang mahahampang man ini sa kasong pagbalgar sa Section 5, Article II kan Republic Act 9165 o Comprehensive Dangerous Drugs Act of 2002.
