LEGAZPI CITY – Patay ang isang driver sa insidente ngn pamamaril sa Brgy. Somagongsong, Bulan, Sorsogon.
Hindi na nagawang mailigtas sa kamatayan si Felix Chico alyas “Jamil” na residente ng Brgy. Calpi sa naturang bayan.
Nabatid na pauwi na sa bahay nito ang biktima mula sa Brgy. Poblacion lulan ng motorsiklo.
Subalit inabangan umano ito ng mga suspek at pinagbabaril.
Dahil sa mga kritikal na tamang tinamo, nagresulta ito sa agarang kamatayan ng biktima.
Nagsasagawa na rin sa ngayon ng malalim na pagsisiyasat ang Bulan Municipal Police Station.
Umaasa ang mga ito sa mabilis na pagtukoy sa mga suspek upang agad na maaresto.
