LEGAZPI CITY — Nagpaparahay na sa ngonian an sarong lalaki makalihis na saksakon kan sarong lalaki na nasa irarom nin impluwensya nin arak mientras na nasa baraylehan sa Brgy. Incarizan, banwaan kan Magallanes, Sorsogon.
Sa inisyal na imbestigasyon kan mga otoridad, nagluluwas na nasa tahaw kan pagbayle an biktimang si Rico Boy Alvarado kan maglaog an suspek na nabistong si Romulo Laguerta asin nang-agyat sa mga tawo na nasa lugar.
Sa puntong ini, napako an atensyon kaini sa biktima asin pinausukan kan darang kutsilyo mientras na nagsapar man nin tama sa daghan asin parteng tulak si Rico na tulos man na idinalagan sa ospital para sa magkakanigong tratamentong medikal.
Sa ngonian, nagtetenir naman sa kustodiya kan Magallanes Municipal Police an suspek mientras na ipigpipreparar na an kasong kakahampangon kaini.
