LEGAZPI CITY — Nagpapadagos ngunyan an paghahanap kan mga otoridad sa suspek sa panhahabon sa sarong negosyante sa Diversion Road, Barangay Pating, ciudadkan Masbate.
Enot kaini, nabiktima nin panhahabon an negosyante na si Jeffey Bilbao, 30-anyos asin residente kan Barangay Tanque, Roxas City.
Nalalay digdi an sarong knapsack na may laog na kwartang nagkakantidad nin P65,000 asin tulong T-shirt.
Nagluluwas sa inisyal na imbestigasyon kan Masbate City Police na mientras na nasa lugar an biktima, nakahanap nin oportunidad an suspek na si Jemel Dumas, 26-anyos asin sarong makinista ngani na kuwaon an nasambitan na mga kagamitan.
Sa presente nagkokundusir pa nin follow-up investigation an mga kapulisan para sa posibleng pagkaka dakop kan suspek asin pagkakarekober kan hinabon na kwarta.
