Inanunsyar kan Department of Energy an dakulang bawas-presyo sa mga produktong petrolyo na nakatalaang ipaotob ngunyan na semana.
Basado sa pinakabagong projections kan DOE, piglalaomang mababa an presyo kan diesel nin P20.89 kada litro. Magkakaigwa man nin rollback na P8.50/L sa kerosene asin P4.43/L sa gasolina.
Segun ki Energy Secretary Sharon Garin, an dakulang rollback na ini an piglalaomang mapuon sa Abril 14 sagkod Abril 20.
Segun saiya ini an basado sa average kan huring limang aldaw na presyo sa pankinabang merkado kumpara sa average kan nakalihis na semana.
Dugang pa niya, mantang bako gabos kan gasolinahan an may parehong presyo, an mga nasabing kantidad an dapat na maging minimum na bawas-presyo.
