Dae mababa sa apat na milyones na deboto an nagpartisipar sa traslacion o prusisyon kan imahen ni Hesus Nazareno ngunyan na taon, susog sa Manila Public Information Office.
Sa datos hale sa Innovation Integrated GIS and Data Hub kanManila Disaster Risk Reduction and Management Office na an numero kan mga indibidwal puon alas-3 nin aga kan Biyernes sagkod alas-dose nin madaling araw ngunyan na Sabado.
Nagpuon an Traslacion ngunyan na taon sa Quirino Grandstand nin alas-4 nin pagkaaga kan Biyernes.
An Traslacion an saro sa mga aktibidad kada Kapistahan ni Hesus Nazareno.
An prusisyon an pigkomerar an pag-abot kan imahen ni Nuestro Padre Jesus Nazareno (Our Lord Jesus the Nazarene) gikan Acapulco, Mexico pasiring sa Pilipinas kan 1600s asin an paglipat hale sa Bagumbayan (lumang Intramuros) pasiring sa Quiapo Church – St. John Baptist Parish kan 1767.
