LEGAZPI CITY – Naghahalat an dakulang oportunidad ngunyan para sa mga estudyante na mawot na magkaigwa nin summer job.
Segun ki Raymond Escalante, an tagapagtaram kan DOLE-Bicol, padagos na nag-oopresir an Department of Labor and Employment (DOLE) nin Special Program for Employment of Student (SPES) para sa mga nagtitios asin deserving na estudyante.
Segun sa op[isyal, kinakaipuhan sana digdi an patunay na nagtiutios an sarong estusdyante asin an saindang pasadong grado sa eskwelahan.
Pighayag man ni Escalante na susunudon man giraray an dating gidelines kun sain 40% sa mga ibabayad sa mga ma-summer job an maghahali sa DOLE.
Obheto suboot kan nasambitan na programa na matabangan an mga nagtitios na joven na makapagpadagos sa saindang pag-aadal urog na sa kolehiyo.
Laog man digdi an mga 18 hasta 25-anyos alagad nakatalaan suboot ining ibaba sa 15-anyos.
Dugang pa kaini na plano man ngunyan na magbago an 40% na ambag kan ahensya pasiring sa 60 hasta 70 porsyento alagad dae pa ini naaaprubaran.
Sa kabilugan na 9,441 na benipisyaryo, 2,360 digdi an sa Albay, 2, 360 man an benipisyaryo sa Camarines Sur mantang 944 sa Camarines Norte, an Sorsogon man an igwang alokasyon na 1,888, An probinsya kan Masbate an igwang 944 asin sa Catanduanes an 944 an magigin benificiary na nakatalaan na magtao nin serbisyo sa laog nin 20 aldaw.
